فى اوقات كثير الواحد منا بيسمع كلام من اصحابة ومن معارفة وموش فاهم يقصد اية
فعملت قاموس لاشهر العبارت اللى بتتقال عشان تاخد بالك وتبقى هارش اللى قدامك وتبقى عارف يقصد اية
وهنبدا بحرف ( الالف )
1 _ استمورنج !!!!!!!!!!! لفظ يقال فى الصباح بغرض تناول الطعام او التدخين او شرب الشاى حتى يفيق الشاب من
نعاسة مثل هروح القهوة اعمل استمورنج وجاى بمعنى الاستباحة
2 _ اعمل دماغ !!!!!!!!!!! عبارة مشهورة عند المدخنين ويقصد ضبط الحالة المزاجية للمدخن
3 _اديها جاز !!!!!!!!!!!عبارة تقال اما يكون فى خناقة وحابب تولعها زى اديها جاز عشان تولع زى القاء اللوم
او بمعنى تسخين واحد من المتشاجرين
4 _اختفى شوية !!!!!!!!!!!يقصد انك تمشى من قدامة لحد ما المشكلة تخلص او تعدى او اختفى على مالحياة تعدى
5 _اية النظام !!!!!!!!!بمعنى اية الموضوع والعبارة دى بتدخل فى احداثنا اليومية اما تكون شايف حاجة جديدة
والتانى هيرد ويقولك النظام فى العظام يعنى بيرد هبل واستعباط
6 _ another stone!!!!!!!!!!!وتعنى للمدخنين هات حجر دخان تانى يا معلم
7 _اتشبح !!!!!!!!!!! تعنى الضرب لغاية التقطيع ويقال هتمشى ياض ولا اشبحك
8 _اتم !!!!!!!!!!!! حسب تعريف الروشنة تعنى الشاب بيكون متصف بالغلاسة والتناحة والرخامة يعنى لو واحد
صاحبك قالك انت اتم يقصد انك بالصفات دى
9 _ اليط !!!!!!!!!!!وتعنى الشخص المتكبر يعنى اللى حاطط مناخيرة فى السما ومحدش عاجبة من الناس
10 _ احلق !!!!!!!!! مش انك تروح لحلاق القصد هنا انك تنفضلة يعنى مدخلش كلامة فى ودانك لانة ميستهلش
11 _ اتوبيس راجع بضهرة !!!!!!!!! لا يقصد الاتوبيس هنا وانما يقصد الفتاة الوحشة زى مبيقولها انتى زى الكورة الكفر
12 _ اعلمة !!!!!!!!!! يقصد هنا يخلى المطوة تزغرط فى وشة زى اللمبى مقال لعلاء ولى الدين اعلمك بالمطوة عشان
تاخد ختم الصياعة الابدى
13 _ املى التنك !!!!!!!!!!!!يقصد هنا اما يكون جعان وعايز يملى معدتة والبنزين هوة الطعام
14 _ اخلع دلوقتى !!!!!!!!!!!!! يقصد بها انك لو عايز تطرق واحد معاك عشان لو فى موضوع سرى او شفت المزة
وعايز تكلمها على انفراد
15 _ اية الحياة !!!!!!!!! بمعنى انك بتسال عن عن ظروفك يومك كلة وحصلك اية
16 _انتر !!!!!!!!!!جاية من الكلمة الانجليزية enter وتعنى انة مبيحفظش سر ومستعد للاستدراج فى الحديث
17 _ اوزى !!!!!!!!!!ودة بنقولة للبنات الغيرين الحلوين اللى لسة فى الاعدادية او الثانوية
18 _ ادعك الفانوس !!!!!!!! بمعنى اختفى دلوقتى خالص من قدامى انت خلصت مهمتك
19 _ اهرش !!!!!!!! لا يقصد الهرش وانما طلع اللى فى جيبك وهات الفلوس اللى معاك
20 _ انزل معلى ودنى !!!!!!!!!! تقال لشخص كثير الكلام وانت زهقت منة وبقيت على الاخر بمعنى انك عايزة يسكت
21 _ اوكشة !!!!!!!!!!وهى للفتاة الجميلة جدا التى تستحق لقب انثى
22 _ انتخ !!!!!!!!!!!بمعنى واحد نايم ومستنى الفرج يجيلة ودى بيقولها الاباء للابناء لما يتخرجوا ويناموا فى البيت
23 _اشتغلة !!!!!!!!!!! يعنى اكلة البالوظة او اخدعة او اكدب علية او استهبل علية ويقولى انت بتشتغلنى
24 _ ادرجى !!!!!!!!!!!! ودة بتقال للصايع المحترف يعنى محدش يقدر يخدعة زى انت ادرجى فى الكلام
25 _ اهنج !!!!!!!!! ويقصد انة الاسلاك بتاعت المخ بتاعتة دخلت فى بعضيها ومعتش فايق والدنيا ظايتة عندة
بكرة بقا نكمل حرف الالف ونكمل بقيت الحروف
قاموس جامد هتحتاجة فى حياتة وفى ترجمة جمل الروشنة
اى خوديعة